Laudioko Udalak emakume politikarientzako tailerra jarri du abian Basqueskolarekin elkarlanean

Erabiltzailearen aurpegia
Politikan aritzen diren emakumeei bideratutako ekimena da hau.

"Menderakuntza eta pertsonen arteko gatazkak politikan" tailerra Maru Sarasola Anzola taldeen eta erakundeen kudeaketan adituak emango du irailaren 22an eta 29an eta urriaren 6an.

Gaur egun, politikan menderakuntza-teknikak daude (ikusezintasuna, barregarri uztea, informazioa ez ematea, erruduntzea, umiliatzea...), eta ez dute zerikusirik iritzi bat argudiatzeko edo azaltzeko gaitasunarekin, gizarte-talde jakin batzuen diskriminazio- eta desberdintasun-egoerarekin baizik. Eta, zoritxarrez, diskriminazio horiek gehien pairatzen dituztenak emakumeak dira.

Horretaz jabetuta, Laudioko Udalak gune bat eskaini nahi die udalerriko emakume politikariei, kolektibo profesional gisa udalean egunero politika egitean dituzten genero-baldintzatzaileei buruzko gogoeta egin dezaten.

Horretarako, Udaleko Emakume eta Berdintasun Zerbitzuak, Basqueskola, Euskal Emakume Alkate eta Zinegotzientzako topagune, elkarrizketa eta prestakuntza gunearekin elkarlanean, tailer bat diseinatu du irailaren 22 eta 29rako eta urriaren 6rako, 16:30etik 19:30era. “Menderakuntza eta pertsonen arteko gatazkak politikan” tailerra Maru Sarasola Anzolak emango du, taldeen eta erakundeen kudeaketan aditua.

“Tailer horretan, hainbat teknika jarriko dira ikusgai, horiek desaktibatu eta horien ondorioak murriztuko dituzten erantzunak ikasteko. Esparru politikoan emakumeen aurka funtzionatzen duten beste estrategia batzuk identifikatzen saiatuko gara, eta gure erantzunekin dinamika horiek nola desaktibatu eta nola ez elikatu bilatuko dugu”, adierazi du Loli Muriel Berdintasun zinegotziak. 

Basqueskola

Basqueskola 2012an sortu zen, emakume politikariek udaletan egiten duten lan politikoan adierazitako beharrizan bati erantzuteko. Urte hauetan zehar, coaching, lidergo eta komunikazio mintegiak, tailerrak, solasaldiak eta esperientzien trukeak antolatu dira.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide