Datorren ostiralean, urriak 7, 20:30ean, Laudioko Udalak “Laudioko Atxorrak” sarien lehenengo deialdiari dagozkion sariak banatuko ditu. Sari horien helburua udalerriko hiri-ekonomia osatzen duten negozio txikiak sustatzea eta balioestea da, tokiko merkataritza eta ostalaritza-establezimenduak, besteak beste.
Ekitaldia Lamuza Parkeko Kasinoan egingo da, herritar guztientzat zabalik.
Lehiaketako bost kategoriak hauek izan dira:
1. Tradizioa eta ibilbidea.
2. Berrikuntzako eta erosketako/ostalaritzako esperientzia berriak.
3. Negozio ekintzailea.
4. Euskararen bultzada.
5. “Laudio Berrikusi” sari berezia
Hautaketa sistema
Hautaketa sistemak bi fase izan ditu. Lehenengoan, Epaimahai Teknikoak baloratu zituen jasotako hautagaitzak, herri bozketa bitartez bigarren fasera igaroko ziren establezimenduak hautatzeko zenbait balorazio-irizpide oinarri hartuta.
Horretarako, Laudioko Udalak bozkatzeko gune bat prestatu zuen udalaren webgunean, eta postontzi fisikoak udaletxean bertan.
Aurkeztutako hautagaitza guztien artean, “Laudio Berrikusi” sari berezia emango zaio merkataritza-dinamizaziorako abian jarri berri den proiektu pilotuarekin zerikusi handiena duen negozioari. Proiektu horrek, aplikazio baten bidez, herritarren, merkataritzaren eta udalerriko hiri-bizitzaren arteko topaketa sustatzen du.