Gaur, 20:30ean, Laudioko Udalbatzak “Laudioko Atxorrak” sarien lehen deialdiari dagozkion sariak banatu ditu. Sari horien helburua udalerriko hiri-ekonomia osatzen duten negozio txikiak sustatzea eta balioestea da, tokiko merkataritza eta ostalaritza-establezimenduak, besteak beste.
Horrela, tradizioaren eta ibilbidearen kategoriako saria Loreari eman zaio, berrikuntza eta erosketa/ostalaritzako esperientzia berriena Iza Okindegiari, eta negozio ekintzailearen kategoria El Lío-ri. Euskararen kategoria Unan Jantzi Dendarentzat izan da, eta merkataritza-dinamizaziorako abian jarri berri den proiektu pilotuan inplikazio handiena duen negozioari emandako Laudio Berrikusi saria Izaskun Etxetresna Elektrikoentzat izan da.
Lamuza parkeko kasinoan egin den ekitaldian, Ander Añibarro alkateak balioan jarri du sari horien lehen edizioa, “tokiko negozioek egindako apustua eta berrikuntza aintzatesteko metodoa delako”.
Hautaketa sistemak bi fase izan ditu. Lehenengoan, Epaimahai Teknikoak baloratu zituen jasotako hautagaitzak, herri bozketa bitartez bigarren fasera igaroko ziren establezimenduak hautatzeko zenbait balorazio-irizpide oinarri hartuta.
Horretarako, Laudioko Udalak bozkatzeko gune bat prestatu zuen udalaren webgunean, eta postontzi fisikoak udaletxean bertan. Lehen edizio honetan, herritarren 878 boto jaso dira, aurkeztutako 12 hautagaitzen artean banatuta.