Bilerak datorren urriaren 17an hasiko dira, eta azaroaren 3ra arte luzatuko dira, guztiak 18:30etik aurrera.
Urri honetan, Ander Añibarro buru duen gobernu taldeak jarraipena emango die agintaldiaren hasieran sortutako auzoetako zinegotzigoei. Auzoetako zinegotziek protagonismoa izango dute Laudioko gune bakoitzeko batzarretan, eta partaidetza aktiboa izango dute, biztanleria gune bakoitzaren beharrak ezagutzeko. Helburua, herritarrak arduratzen dituzten gaiei ahalik eta modu eraginkorrenean eta egokienean erantzutea da.
Aurten, batzarrak urriaren 17an hasi eta azaroaren 3ra arte luzatuko dira. Saioak 18:30ean egingo dira. Maite Cortázar Herritarrekiko Harremanetarako zinegotziak adierazi duenez, “gure auzokideen eskariak, iradokizunak edo ardurak zuzenean ezagutzeko tresna onena dira. Herritarrekin harremanak izateko urte osoan irekita dauden gainerako bideen osagai ezin hobea dira”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
