Joan den astelehenean, abenduaren 12an, Laudioko Udalak 2022ko ekaina, uztaila, abuztua eta iraila bitartean euskara ikastaro trinkoetan ikasi zuten guztiei bekak ematea onartu zuen.
Deialdira 45 eskabide aurkeztu ziren, 24 emakume % 53,3) eta 21 gizon (% 46,7). Bakarrik bi eskabide ukatu ziren, baldintzak ez zituztelako betetzen.
Euskaltegiei begira, 39 eskaera ( % 86,7) Udal Euskaltegian egindako ikasketei dagozkie eta 6 (%13,3) bestelako euskaltegiei.
Eskatzaileen %88 langabezian zeuden (ikasleak gehienak) eta, kasu horietan, jasotako laguntza handiagoa izan da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
