Laudioko Udalak aurrera jarraitzen du 2020an 34 lanposturekin hasi zuen Lan Eskaintza Publikoarekin. Orain, Udalak gizarte-langile plaza bat behin betiko betetzeko prozesua jarri du abian.
Eskaerak urtarrilaren 27ra arte egin ahal izango dira, egun hori barne. Eskabideak aurrez aurre aurkeztu beharko dira Laudioko Udaleko Herritarrentzako Arreta Zerbitzuan (HAZ) edo egoitza elektronikoaren bidez. Plaza lortu ahal izateko oinarriak, bete beharreko baldintzak eta beharrezko dokumentazio guztia Lan Eskaintza Publikoari dagokion udal webgunearen atalean kontsulta daitezke, baita 2022ko urriaren 28ko ALHAOn argitaratutako iragarkian ere.
Hautaprobetan hautagai gisa izena ematea eskatzen duten pertsonek azterketa egiteko eskubidearen tasak ordaindu beharko dituzte, Udalak indarrean dituen ordenantza fiskaletan agertzen den moduan. Nolanahi ere, azterketa-eskubideak eskabideak aurkezteko epearen barruan ordainduko dira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
