Datorren otsailaren 12an, igandean, “Araba Bizikletaz” ekimena egingo da Laudioko Aldai Plazan, bizikletaren erabilera sustatzeko helburuz lurraldeko kuadrillak zeharkatzen ari den proiektua. Arabako Foru Aldundiak abian jarritako ekimenaren helburua bizikletaren erabilerarekin zerikusia duten ekimen guztiek zabalkundea eta aintzatespena izango duten gunea sortzea da, herritarrak bizikletaren erabileraren onurez sentsibilizatzeaz gain.
Laudioko Udala Aiarako Kuadrillarekin batera ari da lanean ekitaldia Aldai plazan ospatzeko, hilaren 12an, 10:00etatik 14:00etara. Egun horretan bertan hainbat jarduera programatuko dira, besteak beste:
- Bizikleta erabiltzearen onurei (osasuna, ingurumena, etab.) buruzko hezkuntza- eta sentsibilizazio-panelen instalazioa.
- Mekanika azkarreko tailerra, bizikletan oinarrizko konponketak egiten irakasteko. Gainera, pertsona bakoitzak bere bizikleta eraman dezake, doako oinarrizko azterketa bat egin diezaioten.
- Gynkana, haurrek, jolas-jarduera baten bitartez, bizikletan ibiltzeko eta euren trebetasuna probatzeko oinarrizko zenbait ezagutza eskura ditzaten.
- Marrazketa-tailerra, haurrak marrazki librearen bitartez edo aurrez zehaztutako silueten diseinuak koloreztatuz adieraz daitezen.
- Bizikleta elektrikoari buruzko informazioa eskaintzeko gune esklusiboa: onurak eta indarguneak. Gainera, probatu ahal izango den modelo bat egongo da.
- Argazki-lehiaketan jasotako argazkien erakusketa.
Laudioko Udalak ekitaldian parte hartzera eta programatutako jarduerez gozatzera animatzen ditu herritarrak.