LABORAL KUTXA Masterraren VII. edizioa, duela 7 urte Emakume Master Cup sortu zenetik emakumezkoen esku-pilotaren errealitate desberdinen erakusleiho zabalena, igande honetan hasiko da berriro Murgian.
Txapelketak prest du ibilbide orria eta, oraingoan, finalerdia Laudioko Areta pilotalekuan jokatuko da (ETBko kamerekin), martxoaren 12an. Pilota mistoko lehen mailako eta elite mailako finalak Zarautzen jokatuko dira martxoaren 26an (ETB1ek zuzenean eskainiko ditu).
Sortu zeneko filosofiari leial izanik, aurten ere txapelketa erabat irekia izango da, hau da, parte hartu nahi izan duten emakume guztiek ateak irekita izan dituzte eta bakoitzak bere beharretara eta nahietara egokituko den lehiaketa bat izango du eskura. Guztira, 65 pilotarik hartuko dute parte antolatutako lau mailetan: Pilota Goxua (25 pilotari), Gazteen pilota mistoa (24), 1. mailako pilota mistoa (8) eta Elite mailako pilota mistoa (8).
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
