Laudiok otsailik kirol zaleena biziko du. Lehenengo hitzorduak patinajearekin izango du zerikusia eta bihar, otsailak 11, izango da, 09:40tik 20:00etara, Lamuzako Udal Kiroldegian (egurrezko kantxa). Laudiotik Lautxirrinka kluba lehiatuko da, gaur egun Araban dagoen lau gurpileko patinaje artistikoko klub bakarra, eta bere lerroetan 42 patinatzaile dituena.
Kirolak aurrera jarraituko du igandean, otsailak 12, Araba Bizikletaz ekimenarekin, bizikletaren erabilera sustatzeko lurraldeko kuadrillak bultzatzen ari diren proiektuarekin. Ekitaldia Aldai plazan izango da, 10:00etatik 14:00etara.
Egun horretan bertan, baina Ellakuriko zelaietan eta 11:00etan, Laudio Atletismo Klubaren Eskola Kros klasikoa izango da. 32. edizio horretan parte hartuko duten haurrek ibilbide desberdina egingo dute jaiotako urtearen arabera. Horrela, 2009eta 2010 artean jaiotakoek 3,3 kilometroko ibilbidea egingo dute, eta 2011 eta 2012 artean jaiotakoek 1,3 kilometrokoa. Txikienentzat kilometro bateko ibilbidea (2013-2014an jaiotakoentzat) eta 300 metrokoa (2015etik aurrera jaiotakoentzat) egongo dira.
Inauterietako asteburuaren ondoren, Laudiok kirol ekitaldiei ekingo die berriro otsailaren 25ean, larunbatean, txirrindulari elkarteak 16:00etatik 18:00etara Aldai plazan antolatu duen ginkanarekin eta Gardean 09:00etatik 22:00etara jokatuko den Euskal Herriko tenis txapelketarekin. Otsaileko kirol ekitaldiak hurrengo egunean amaituko dira, Laudio Sant Rokezar futbol taldeak antolatu duen aniztasun funtzionalari buruzko jardunaldiarekin.
Aipatutako ekitaldi guztiek Laudioko Udalaren laguntza dute