10 eta 16 urte bitarteko laudioarrek izena eman dezakete jada Laudioko Udaleko Gazteria sailak Aste Santu honetarako diseinatu duen gazteen aisialdirako programan: Udaberrilekuak. Adingabeek jardueraz betetako bi aste izango dituzte, eta bietan eman ahal izango dute izena. Lehenengo astea apirilaren 3tik 5era izango da, eta bigarrena apirilaren 11tik 14ra.
“Programak sormen-tailerrak, txangoak, mugimendu-jokoak, berdintasunaren balioa sustatzen duten kirol-jarduera inklusiboak, sukaldaritza-ikastaroak eta dantza biltzen ditu, besteak beste, errespetua eta tolerantzia oinarri hartuta gozatzeko eskaintza zabala”, adierazi du Julián Larisgoitia Gazteria zinegotziak.
Izen-emateak martxoaren 6ra arte egin ahal izango dira, aurrez aurre, Herritarren Arretarako Zerbitzuan (HAZ), 08:00etatik 14:30era, edo era telematikoan, izapideen katalogoaren bitartez. Aste bakoitzaren prezioa 10 eurokoa izango da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
