Laudio Udalak, eskualdeko gainerako udalekin batera, “Bertso Abentura” opor-barnetegia antolatuko du apirilean. Egitasmoaren diseinuaz, garapenaz eta kudeaketaz, Arabako Bertsozale Elkartea arduratuko da, Laudio Udalarekin 2022-2026 urteetarako sinatuta duen hitzarmenari esker.
Opor barnetegia apirilaren 13, 14 eta 15ean izango da, Arabako Espejo herrian. 2010, 2011 eta 2012. urteetan jaiotako eta Laudion erroldatutako ikasleentzat. 30
leku egongo dira. Lekuak soberan geratuko balira Laudiotik kanpokoak ere onartuko lirateke. Prezioa: 50 euro (70 euro ez erroldatuak).
Izen-emateak linean egin beharko dira hemen. Azken eguna izena emateko: martxoaren 24a, ostirala (barne).
Informazio gehiago nahi izanez gero deitu 945010505 (goizez) / 688616531 zenbakietara, edo idatzi araba@bertsozale.eus
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
