Iazko urte amaieratik, Laudio Udala ari da lanean herriko futbol klubekin, hau da, C. D. LAUDIO SAN ROKEZARrekin eta ALTZARRATE KIROL ELKARTEArekin, beren jardueretan hizkuntza-normalizazioa apurka integratzeko asmoz.
Horregatik, koordinatzeko gestio ugariren ondoren, LAUDIO SAN ROKEZAR klubak, hausnarketa-saio batzuk jarriko ditu abian hiru egun desberdinetan (apirilaren 20an eta maiatzaren 4an eta 11n), beti ere, erakundearen barruan euskararen erabilera sustatzeko helburuak, denborak eta abar finkatzeko. Saiootan entrenatzaileek, zuzendaritza-kideek eta abarrek hartuko dute parte, baita EMUN enpresako teknikariek ere, enpresa hori baita hasierako urrats horiek koordinatzen ari dena.
Gauza bera egingo du ALTZARRATE elkarteak, egun hauetan finkatuko dituen beste hitzordu batzuetan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
