Uda honetan, Udaleko Gazteria eta Kultura Zerbitzuek urtero antolatzen dituzten HERRI UDALEKUAK itzuliko dira Laudiora, herriko adingabeei eta gazteei elkartzeko, harremanetan jartzeko eta jolasteko lekua eskaintzeko.
Bi programetan izena emateko epea gaur hasi eta ekainaren 2ra arte egongo da zabalik. Herri Udalekuetan parte hartu nahi dutenek Udalaren HAZera joan beharko dute 08:00etatik 14:30era edo/eta tramitea era telematikoan egin (www.laudio.eus). Prezioa, plaza eta aste bakoitzeko, 15,00 eurokoa izango da.
Nolanahi ere, pertsona bakoitzak aste batean edo gehiagotan eman ahal izango du izena. Onartuen behin-behineko zerrendak ekainaren 6an argitaratuko dira Kultura
Etxean eta udal webgunean. Izen-emateek plaza kopurua gainditzen badute, zozketa publikoa egingo da ekainaren 9an. Horren emaitza ekainaren 12an argitaratuko da.
Datuak Babesteko Legea dela eta, zerrendak kontsultatzeko, eskaeraren sarrera- erregistroaren zenbakiarekin egin beharko da.
Matrikula
Plaza behin betiko erreserbatzeko, dagokion ordainketa egin beharko da ekainaren 12tik 19ra. Ordainagiria Kultura Etxean entregatu beharko da edo bestela modu telematikoan bidali kulturetxea@laudio.eus helbidera. Ordainagiria jaso dela baieztatzeko, telefonoz deitu beharko da Kultura Etxera (944 034 920)
• 2007 eta 2012 urteen artean jaiotakoak: 2007 eta 2012 urteen artean jaiotako udalerriko gazteentzat diseinatutako programa 4 astetan zehar garatuko da, uztailaren 3tik 28ra bitartean, astelehenetik ostiralera, 9:30etik 13:30era. Irteerak egiteko egunak izango diren asteazkenetan izan ezik, irteeretatik iristeko ordua 17:30ean izango da. Topagunea Gaztelekua izango da.
• 2013 eta 2019 urteen artean jaiotakoak: 2013 eta 2019 urteen artean jaiotako udalerriko haurrentzat diseinatutako jarduerak 5 astetan zehar egingo dira, ekainaren 26tik uztailaren 28ra bitartean, astelehenetik ostiralera, 9:30etik 13:30era. Kasu horretan, Liburutegi Zaharra izango da topagunea.