Laudioko Udalak LGTBIQ+ Kolektiboaren Sexu Askapenaren eta Harrotasunaren Nazioarteko Egunarekin bat egingo du gaur. LGBTIQ+ mugimenduaren eta erakundearen beraren artean lankidetza handiagoa sustatzeko konpromisoa hartzeaz gain, Laudioko Udalak kolektibo horrek herrian izandako papera eta historia aitortzeko lan egingo du. Horretarako, kolektiboaren parte-hartzea sustatuko du, trans memoriaren egun bateko deklarazioa adoste aldera.
Udalak LGBTIQ+ pertsonen bizitzak egunerokotasunean bizigarriak izateko, lan eta borrokatzen ari diren kide eta kolektibo guztiak zoriondu nahi ditu, harrotzeko moduko mugimendua osatzen dugulako. Izan ere, Udalbatzak aho batez onartu du Udalak eta LGTBI kolektiboari informazioa, aholkularitza eta laguntza emateko Eusko Jaurlaritzako Berdindu zerbitzuak adostutako adierazpen instituzionala.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
