Laudioko Udalak udal espazioak jarri ditu herritarren eskura bero uholdeari aurre egiteko

Erabiltzailearen aurpegia Laudioko Udala 2023ko abuztuaren 9a

Laudioarrek Etxe Nagusia, Aretako Santa Ana Kluba eta Udaletxeko osoko bilkuren aretoa erabili ahal izango dituzte.

Ezarritako atalasetik gorako tenperaturaren iragarpena dela eta, Eusko Jaurlaritzako Segurtasun Sailak jakinarazi du alerta laranja egoeran sartuko garela gaurtik eta ostiralera arte. Izan ere, Araban muturreko tenperaturak 40ºC-ra iristea espero da.

Egoera horren aurrean, Laudioko Udalak herritarren eskura jarriko ditu, udalerriko hainbat tokitan, herritarrak freskatzeko eta tenperatura altuekiko esposizioa konpentsatzeko egokitutako lokalak arrisku-maila igotzen bada. Horrela, Etxe Nagusia 09:00etatik 14:00etara eta 16:00etatik 19:00etara eskainiko da eta Aretako Santa Ana Kluba 10:00etatik 14:00etara eta 16:00etatik 21:00etara.

Udaletxeko osoko bilkuren aretoa ere laudioarren eskura egongo da egun osoan, zehazki 09:00etatik 21:00etara, eta lehentasuna izango dute mugikortasun urriko arazoak dituzten eta erdigunean bizi diren pertsonek.

Osasun Sailak 2023ko Bero Planean jasotzen ditu herritarrentzako prebentzio- gomendioak, bereziki talde kalteberenentzat.

Osasuna Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide