Urriaren 2an, astelehena, Lamuza kiroldegian dagoen udal ludotekak berriro irekiko ditu ateak. Zerbitzua astelehenetik ostegunera izango da, 17:00etatik 20:00etara, eta adin desberdinetako haurrentzako jolas didaktikoak eta horien erabilerari buruzko aholkularitza-langileak izango ditu. Jaiegunetan, zubietan eta oporraldietan itxita egongo da, eskola-egutegiarekin bat.
Ludoteka zerbitzua 0 eta 12 urte bitarteko haurrentzat izango da, baina 4 urtetik beherakoek heldu batekin egon beharko dute. Izena emateko epea ostiral honetan hasi, irailak 15, eta 25era arte luzatuko da. Matrikulak HAZen, erregistro bidez, edo Kultura Etxean, harreran betetako eskabidea entregatuz, egingo dira. Onartuen zerrendak hilaren 27an argitaratuko dira kultura etxean eta udal webgunean.
Behin betiko zerrendak argitaratu ondoren, ordainketak zerbitzuko lehen egunean egin beharko dira. Egiaztagiria ludotekan entregatu beharko da.
Prezioak
• Hileko kuota: 5,20 €
• Hiruhileko kuota: 12,50 €
• Kuota 3 hiruhileko: 31,21 €
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
