Hilaren 24an Neguko Azokak bertako produktu eta artisautzaz beteko du Aldai Plaza

Erabiltzailearen aurpegia Laudioko Udala 2023ko abe. 22a, 06:00

Egun horretan bertan, baina 18:15ean, Olentzero eta Mari Domingiren kalejira izango da.

Igandean, abenduaren 24an, Laudioko Aldai Plaza bertako produktu eta artisautzaz beteko da Laudioko ikastetxeek eta Basalarrina Kultura Elkarteak, Udalarekin elkarlanean, antolatutako Neguko Azokarekin. Azoka Herri Eguberri programa barruan kokatzen da eta goiz osorako hartuko du plaza 20 saltokirekin.

Hala ere, gune horretan bertan jarduera gehiago izango dira; izan ere, 13:00etan Laudioko ikastetxeek (Lamuza, Latiorro, La Milagrosa, Areta Herri Eskola eta Laudio Ikastola) eta Basalarrina Kultura Elkarteak Mari Domingi eta Olentzeroren kartel lehiaketako sariak emango dizkiete saritutako artistei. Marrazkiak egun horretan bertan jarriko dira ikusgai Herriko Plazan.

Baina Laudioko txikiek gehien espero duten momentuetako bat 18:15ean iritsiko da, Mari Domingik eta Olentzerok ohiko kalejira egiten dutenean. Ibilbideak Nerbioi kalea zeharkatuko du eta Elexalde kaletik sartuko da Herriko Plazara, berton amaitzeko. Oraingoan ere, Basalarrinako kideak arduratuko dira bi pertsonaia maiteei beren zereginetan laguntzeaz.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide