Udalak Ramiro González Diputatu Nagusiarekin lehen lan-bilera egin du

Erabiltzailearen aurpegia Laudioko Udala 2023ko abenduaren 26a

Laudioko Udal Gobernuko kideak Ramiro Gonzalezekin. / Laudioko Udala

Topaketa Arabako Foru Aldundian izan da eta Laudiorako garrantzitsuak diren proiektuak mahai gainean jartzeko balio izan du, Antzokia edo Kultura Etxea besteak beste.

Gaur goizean Laudio Udaleko Gobernu Taldeak, EH Bildu-Omniak, legegintzaldiko lehen lan-bilera izan du Arabako Diputatu Nagusiarekin Ramiro Gonzalezekin.

Topaketa 13:00etan izan da eta Laudiorako garrantzitsuak diren proiektuak, Antzokia edo Kultura Etxea besteak beste, mahai gainean jartzeko balio izan du.

Bi erakundeen arteko elkarlana bultzatzeko, Ainize Gastaka alkateak herriko beste gai batzuk jorratu ditu: Arabako Foru Kontratazio Zentralak sustatutako energia elektrikoaren eta gasaren hornidurarako lizitazioan Laudio sartzea, Laudion kokatuko den adimen-desgaitasuna duten pertsonentzako eguneko zentro berrirako diseinatutako plana, eta herriko kirol-taldeen garraio-gastua. "Bilera honekin Arabako Foru Aldundiarekiko harremana sendotu nahi dugu, eta lan-esparru partekatu eta egonkor bat ezarri", aurreratu du alkateak.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide