Udalak Ellakuriko futbol zelaiko eta atletismo pistako argiak berritzeko lizitazioa egin du

Erabiltzailearen aurpegia Laudioko Udala 2024ko urtarrilaren 10a

Obrak 5 hilabete irautea aurreikusi du tokiko erakundeak. / Laudioko Udala

Lanak gehienez 5 hilabetez luzatu ahal izango dira, eta 104.000 euroko aurrekontua izango dute.

Laudioko Udalak Ellakuriko futbol-zelaiko eta atletismo-pistaren argiztapena berritzeko lizitazioa egin du. Urteekin kirol-instalazioaren argiztapen-sistema zaharkituta eta hondatuta geratu da, esparrua behar bezala argiztatzea eragotziz.

Horrela, eta UNE Arauaren irizpideei jarraituz, egungo argiteriaren ordez erangikorragoa den LED motako beste bat jarriko da, eta, gainera, intentsitate- maila desberdinak izango ditu kirol-modalitatearen arabera. Orain arte sistemak pizteko eta itzaltzeko agertoki bakarra zuen.

Lan horiek egiteko, Udalak 104.000 euro inbertituko ditu. Obrak 5 hilabete irautea aurreikusi da, baina tokiko Administrazioak positiboki baloratuko ditu enpresek aurkezten dituzten gauzatze-epeak.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide