Aurten ere udaleko Adikzioen Arloak, Minbiziaren Aurkako Espainiako Elkartearekin (AECC) lankidetzan, tabakoa erretzeari uzteko tailer bat jarriko du abian.
Programa, bi erakundeen arteko hitzarmen baten ondorioz sortua, otsailaren 7an abiatuko da eta erretzeari utzi nahi dioten adineko pertsonei zuzenduta egongo da.
Saioetan, parte-hartzaileek tabakoa kontsumitzeari uztea errazten duten eta abstinentzia bultzatzen duten dinamikak eta ariketak egingo dituzte, berriz erretzen hasteko gogoak murrizteaz gain. Guztira, ordu eta erdiko 6 saio emango dira asteazkenetan, 10:00etatik 11:30era.
Aurrez aurreko saioak Kultura Etxeko Arraño aretoan izango dira, otsailaren 7, 14, 21 eta 28an, eta martxoaren 6 eta 20an. Programak urtebetez parte-hartzaileen jarraipena telefonoz egitea aurreikusten du; hori dela eta, 2024ko maiatzean eta irailean, eta 2025eko otsailean jarraipena egingo da. Interesa dutenek adikzioak@laudio.eus helbidean edo 944034840 telefonoan eman dezakete izena urtarrilaren 31ra arte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
