Laudioko Udalak bilera eskatu dio Gotzone Sagardui sailburuari anbulatorioko EAGn bizilagun baten heriotzagatik

Erabiltzailearen aurpegia Laudioko Udala 2024ko urtarrilaren 22a

Ostiralean gai berari lotuta eginiko mobilizazioaren irudia. / Aiaraldea.eus

Bileraren helburua Laudioko anbulatorioko Etengabeko Arretako Gunean (EAG) arreta bermatzea izango da.

Laudioko Udalak premiazko bilera eskatu dio Gotzone Sagardui Eusko Jaurlaritzako Osasun sailburuari, Laudioko anbulatorioaren egungo egoeraz hitz egiteko.

Urtarrilaren 12an, ostiralean, herriko bizilagun bat hil zen osasun-zentroko Etengabeko Arretako Gunean (EAG), zerbitzuan medikurik ez zegoela egiaztatu baitzen.

"Kezkarekin bizitzen ari gara Laudioko Anbulatorioaren egoera. Premiazko bilera bat eskatu dugu gure anbulatorioko Etengabeko Arretako Gunean (EAG) arreta bermatzeko. Oinarrizko zerbitzu hori berehala indarberritu behar da", adierazi du Ainize Gastaka alkateak.

Udalak, bere aldetik, herri mailan abian jarritako ekimenekin bat egingo du.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide