Laudio Udaleko Gizarte Kohesioko Arloak 2022-2023 urteetan udalerrian gizarte-arloko hainbat proiektu garatu dituzten tokiko 9 elkarteren lana babestuko du. 71.409,61 euroko inbertsioa duen ekimen honekin tokiko erakundeek udalerrian gizarteratzearen alde eta kalteberatasnaren aurkako programak eta jarduerak dinamizatzea bilatzen da, esparru sozial, hezitzaile eta laguntzazkoa sortuz.
"Ezinbestekotzat jotzen dugu kolektibo horiek egiten duten gizarte-lana, ondare ukiezina baita laudioarrentzat", nabarmendu du arloko zinegotziak, Aitor Fernández de Pinedok.
Horrela, gizarteratzearen edota boluntariotzaren arloan jarduerak garatzen dituzten elkarteei 29.345,66 euroko dirulaguntza emango zaie guztira, eta honela banatuko da inplikatutako kolektiboen artean: Caritas (12.000 euro), Esklerosi (2.580 euro), Apdema (4.130 euro), Kirikiño (4.915,66 euro) eta Asasam (5.720 euro).
Herriko adinekoen artean jarduera soziokulturalak antolatzen dituzten elkarteek, zehazki Santa Ana eta Sant Roketzar erretiratuen zentroek, 12.481,60 euro eta 21.611,96 euro jasoko dituzte, hurrenez hurren.
Berdintasunaren arloan jarduerak bultzatzen dituen elkarteari, Solastiarri, 1.996,45 euro emango zaizkio. Kirikiñori eta Margotu elkarteei 3.754,87 eta 2.219,07 euroko laguntza emango zaie, hurrenez hurren. "Dirulaguntza hauen bitartez Laudioko auzo-mugimenduari estaldura hobe bat eman nahi zaio, herrian kohesio soziala sustatuz", amaitu du zinegotziak.