Sistema berria ekainean martxan jarriko da, eta gidariei, familiei eta adingabeei zuzendutako sentsibilizazio-kanpainekin osatuko da.
Laudioko Udalak abiadura radar ibiltari bat aktibatuko du ekainean, herriko trafikoa baretzeko neurri gisa. Ekipamendua Oboid S.L. enpresari esleitu zitzaion otsailean, eta 4 urtez arduratuko da abiadura-kontrolaren mantentze-lanez. Abiadura radarra Virgen del Carmen eta Goienuri kaleetan dauden bi kontrol puntuen eta Udaltzaingoa oraindik aztertzen ari den beste bi punturen artean txandakatuko da.
Horrez gain, sentsibilizazio- eta kontzientziazio-kanpainak egingo dira. Radar ibiltaria aktibatu aurretik, maiatzean eta ekainean, kontzientziazio kanpaina bat martxan jarriko da gidariei zuzenduta herri osoan ezarritako gehieneko abiadura errespetatzearen garrantzia lantzeko.
Udako oporretatik bueltan, eta irailaren 22an ospatzen den Autorik Gabeko Munduko Eguna aprobetxatuz, Udala familiei zuzenduko zaie ikastetxeen inguruko trafikoari buruzko sentsibilizazio-kanpaina batekin; eta ikasleentzako bide-hezkuntzako saioekin osatuko da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
