Aste honetan Laudioko Udala Arabako eta Bizkaiko Mediku Elkargoekin bildu da egungo osasun-egoera gertutik ezagutzeko eta profesionalekin alderatzeko. Bizkaiko Medikuen Elkargotik Cosme Naveda Pomposo presidentea eta Irune Pascual Ugarte komunikazio arduraduna egon dira; eta Arabako Medikuen Elkargotik, berriz, Kepa Urigoitia Saudino presidentea, Alberto López de Ocáriz Alzola idazkariordea eta Lourdes Lorenzo Sierra komunikazio arduraduna.
Burututako bileretan osasun publikoaren sisteman medikuen presentzia bermatuko duten neurrien beharra egiaztatu da, elkargoek aspalditik eskatutakoa. Horrez gain, Udalak tokiko anbulatorioko arreta medikoari buruzko kezkak helarazi dizkie erakunde medikoei.
"Bilera hauen bidez gertutik ezagutu ahal izan ditugu medikuntzako profesionalen jarrera eta iritziak Laudion bizi izan dugun egoera larriaren aurrean. Horrekin egiaztatu ahal izan dugu medikuen presentzia ezinbestekoa dela osasun-arreta egokia bermatzeko", azpimarratu du Ainize Gastaka alkateak. Laudioko Udalak bere egin du ere bi elkargoen kezkarekin, lehen mailako arretan beharrezkoak diren medikuen presentzia bermatzeko planifikazio faltarekin."
Behin egoera kontrastatu dugula medikuen elkargoekin eta kezka hori erakutsi duten eskualdeko alkateekin, sistema publiko indartsu bat lortzeko ekimen berriak aktibatzeko garaia da, pertsonal mediko eta sanitario nahikoz hornitua", ondorioztatu du Gastakak.