4 eta 10 urte bitarteko laudioarrek (2020-2014) eta 11 eta 16 urte bitartekoek (2013-2008) izena eman dezakete jada Udaleko Gazteria eta Kultura sailek antolatu dituzten udalekuetan. Txikienek Herri Kolonietan parte hartu ahal izango dute, 144 plazarekin, eta gazteek Gaztelekuko Udalekuetan, 50 plazarekin.
Programek bost asteko iraupena izango dute, ekainaren 24an hasi eta uztailaren 26ra arte, eta 15 euroko kostua.
Parte hartu nahi dutenek maiatzaren 6tik 17ra bitartean eman beharko dute izena, egoitza elektronikoan, HAZen, edota legez gaitutako gainerako bitartekoak erabilita. Izen emateak eskainitako plaza kopurua gainditzen badu, zozketa bat egingo da maiatzaren 24an, 12:00etan, Herriko Plazako Erabilera Anitzeko Aretoan.
Plazen %5 behar bereziak dituzten pertsonentzat gordeko dira. Era berean, antzeko ehunekoa gordeko da egoera zaurgarrian dauden eta udaleko gizarte-zerbitzuek zuzenean artatzen dituzten haurrentzat.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
