Laudioko Udalak ikusmen-urritasuna duten pertsonei zuzendutako "Ukitzeko artea" erakusketa antolatu du

Erabiltzailearen aurpegia Laudioko Udala 2024ko mai. 16a, 13:15

Erakusketa Kultura Etxean egongo da ikusgai maiatzaren 20tik ekainaren 4ra arte, ohiko ordutegian, 10:00etik 13:00era eta 17:00etik 21:00etara.

Maiatzaren 20tik ekainaren 4ra bitartean, Laudioko Udalak, Bilboko Arte Ederren Museoarekin, Iberdrolarekin eta Ikusmen Urritasuna duten Ikasleen Hezkuntza Inklusiboa Txertatzeko Arabako Baliabideen Zentroarekin (IBT) lankidetzan, "Ukitzeko Artea" programa didaktikoa hurbilduko du udalerrira. Ekimenak ikusmen urritasuna duten pertsona eta ikasleei artea ikasteko aukera emango die Bilboko
museoaren bildumako bederatzi artelanen erreprodukzioekin. Laudioren kasuan, udalerriko Bigarren Hezkuntzako ikasleak igaroko dira Kultura Etxetik: La Milagrosa Ikastetxea, Laudio Ikastola, IES Laudio eta EPA Laudio.

Horretaz guztiaz gain, ikusmen-urritasuna duten Laudioko pertsonentzako bisita gidatuak, material lagungarriak (braillezko testuak eta begiak estaltzeko maskarak), eta euskarazko, gaztelaniazko eta ingelesezko audio-gida bat ere eskainiko dira.

Jarduera kultural honen bitartez Laudioko Udalak bi helburu jarraitzen ditu: pintura ikusmen-desgaitasuna duten pertsonengana hurbiltzea eta Bigarren Hezkuntzako ikasleak errealitate horren inguruan sentsibilizatzea.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide