“Kaleko ostiralak”, gazteentzako aisialdi programak, Lamuza plaza beteko du berriro ostiral arratsaldeetan. Ekimena, Udaleko Gazteria sailak antolatua, 4 saio eskainiko ditu; herriko artista eta taldeen presentziari lehentasuna emanez gazteen parte-hartzea bilatuko duten proposamenekin.
Lehen ekimena maiatzaren 24an izango da eta DJ tailer bat eskainiko zaie gazteei. Saioa Beat Musika Elkartearen eskutik izango da 20:00etik 22:00etara. Jarduerak bi stand izango ditu parte hartzaileek musika sortzen ikas dezaten. Musika Laudion jarraituko du maiatzaren 31an JotaKe Erromeriaren emanaldiarekin, 20:00etatik 22:00etara; baina baita ArteOn Abesbatzaren kontzertuarekin, ekainaren 7an, 21:00etik 22:00etara.
Udaberrirako programatutako saio zikloa ekainaren 14an amaituko da, Laudio Harro ekimenaren edizio berri baten bezperan. Horregatik guztiagatik, azken eguna Show Drag bati eskaini zaio, Albina Stardust eta Divina Comediaren eskutik, 21:00etik 22:00etara.
Udako etenaldiaren ondoren, Gazteria sailak udazkenean programazioari berriz heltzea baloratuko du, gazteek eta tokiko eta euskal panoramako sortzaile gazteenek parte har dezaten irekitako beste jarduera-ziklo batekin.
Euria egiten badu, jarduerak Aldai plazara lekualdatuko dira. Nolanahi ere, Udalakhorren berri emango du bere ohiko kanalen bitartez.