Uztailean, Udalak “Patxadaz hartu, abiadura zaindu” sentsibilizazio kanpaina jarri zuen martxan, gidariak kontzientziatzeko hiri osoan ezarritako gehieneko abiadura errespetatzearen garrantziaz. Bada, hil honetan, eskolen inguruko trafikoari buruzko sentsibilizazio kanpaina batekin osatuko da ekimena, familiei eta ikasleei zuzenduta. Irailaren 22an ospatzen den Autorik Gabeko Nazioarteko Eguna aprobetxatuz, Udalak irailaren 23an, astelehena, ikasleak, irakasleak eta familiak kotxea alde batera uztera gonbidatu ditu, ikastetxeetako bide-hezkuntzako saioen hasierarekin batera. Formakuntza bi astez egingo da, irailaren 23tik urriaren 4ra, eta Udaltzaingoko agenteek saio teoriko eta praktikoak eskainiko dituzte.
Jardunbide egokien gida
Era berean, eta osagarri gisa, Udalak jardunbide egokien gida bat diseinatu du, familiei zuzendua, ikastetxeen ingurunean bide-segurtasuna hobetzeko:
- Ahal duzun guztietan, oinez etorri espaloitik edo trafikoarentzat itxita dauden guneetatik.
- Ez oztopatu garraio zerbitzuaren funtzionamendua, ikasleen segurtasuna bermatzeko autobusen geralekuak errespetatu.
- Ez oztopatu espaloien erabilpena ikasleen zain zaudenean.
- Ez gelditu autoa errepide erdian.
- Aparkalekua erabili ikastetxerako sarbideak ez oztopatzeko.
- Denboraz programatu zure joan-etorriak.
- Gogoratu beti autoan adingabeekin ibiltzeko araudia: segurtasun-uhala eta ahulkia, eta espaloiko atetik sartzea.