Ellakuriko igerilekuen inguruak ziklo-kros pista iraunkorra du dagoeneko. Proiektu honekin Udalak bertan kokatzen diren atletismo eta txirrindularitza pistak hobetu eta finkatu nahi ditu, urtean zehar proba zehatzak hartzen dituztelako.
"Handitze horrek bizikleta-pistaren perimetroa luzatuko du, guztira 1.700 metroko luzera izan arte. Horrek lehiaketa ofizialak egitea ahalbidetuko du", azpimarratu du Sonia Respaldiza Kirol zinegotziak.
Zirkuitua Ellakuriko igerilekuen ingurutik eta alboko eremutik igaroko da. Hala ere, sarrerak eta irteerak gune beretik egingo dira, bizikleten noranzko biko joan-etorria ahalbidetzeko.
Horrez guztiaz gain, esku-hartze honen bidez, Udalak belar-eremuak berreskuratzeko gehiegizko gastuak saihestu nahi ditu; lehiaketen ondoren ereintze-lanak egin behar direlako.
Helburu horrekin, trazaduraren zati bat hartxintxarrez eta hondarrez estalita geratuko da, ondorioz, kirol-proben ondoren ez da hainbesteko mantentze-lanik egin beharko. Lanak Almeida & Costa enpresari esleitu zaizkio 42.518,06 aurrekontuarekin.