Errenten hobari-taulen zabalkuntzari esker, 42.000 eurorainoko errentak barne hartzen dituena, Laudioko Udalak 2024ko ekitaldiko Ondasun Higiezinen gaineko Zergaren (OHZ) 1.601 ordainagiriri hobaria emango zaie, 345.365,79 euroko balioarekin. Horrela, laudioarrek 107.718,73 euro ordainduko dituzte guztira, hasierako zenbatekoaren %31a suposatzen duena. "Hobari horiekin 237.647,06 euro aurreztuko dizkiegu gure bizilagunei OHZren ordainketatik", nabarmendu du
Ogasuneko zinegotzi Iñigo Martinezek.
Oraingo honetan, 894 ordainagirik %75eko hobaria izango dute, eta 319k %90ekoa. Nolanahi ere, 269 ordainagiriri %20ko hobaria aplikatuko zaie, 2ri %30, 22ri %60, 47ri %80 eta beste 48ri %95a, familia-unitate bakoitzaren diru-sarreren arabera.
Bestalde, alokairu publikoko programa baten barruan dauden etxebizitza hutsei %50eko hobaria aplikatuko zaie, 22 zergadunen OHZren guztizko gastua (4.181,08) erdira murriztuz (2.090,49 euro). Aldiz, alokairu publikoko programa baten barruen ez dauden etxebizitzek, 600 baino gehiago guztira, %50eko errekargua izango dute.
"Laudioko sektore zaurgarriek ez dute pairatu KPIren igoera, justu kontrakoa, sektore horiek gutxiago ordaindu dute euren zergetan eta aldi berean Udalaren diru sarrerak igo dira, baina igoera horrek gehien daukatenek ordaindu dute", amaitu du Ogasuneko zinegotzi Iñigo Martinezek.
Guztira, eta aipatutako hobariak barne, 3.000 ordainagiri baino gehiagori hobaria eman zaie, guztira 402.000 euro. Horien artean familia ugariengatiko kenkariak, energia-aprobetxamendua eta -eraginkortasuna, eta babes ofizialeko etxebizitzengatiko kenkariak sartzen dira.