Laudioko Udalak gurasoak prestatu eta motibatu nahi ditu seme-alaben hezkuntzan, eurek duten erantzukizunaz jabetzen laguntzeko. Gauzak horrela, eta seme-alabekin sortzen diren arazo komunak prebenitzeko edota horiei aurre egiteko baliabideak eta jarribideak proposatzeko, Udalak abian jarri du “Gurasoen Txokoa” programa. “Familiei orientazio eta laguntza emateko prestakuntza-guneak sortzea da gure helburua”, adierazi du Aitor Fernández de Pinedo Gizarte Kohesioko zinegotziak.
Programa, doakoa, psikologia, pedagogia eta psikopedagogiako profesionalek eskainiko dute eta saio bakoitzak seme-alaben adin tarte ezberdinetan sortzen diren gaiak landuko ditu. Adibidez, lehen saioan, apirilaren 2an, 12 eta 16 urte bitarteko seme-alabak dituzten gurasoek nerabezaroan jarriko dute arreta, zehazki hauen osasun mentalean. Bigarren saioa maiatzaren 14an izango da eta autoestimua landuko du 6 eta 12 urte bitarteko seme-alabak dituzten gurasoekin.
Azken hitzordua maiatzaren 28an izango da eta 3 eta 5 urte bitarteko haurrak dituzten gurasoei zuzenduta egongo da; txikien mundu emozionala kudeatzen ikasteko.
Programan parte hartu nahi duten gurasoek izena eman beharko dute 944 034 840 telefonoan edo gizartearloa@laudio.eus helbidean. Apirileko saiora joan nahi dutenek izena eman beharko dute martxoaren 27a baino lehen. Maiatzak 14ko eta 28ko saioetara etorri nahi dutenek, izena eman beharko dute maiatzak 8 eta 22 baino lehen, hurrenez hurren.
Parte-hartze zabalena bermatzeko, Udalak haurtzaindegi zerbitzua eskainiko du maiatzeko saioetan, gurasoen saioarekin lotutako jarduera osagarri batekin.
Jarduera guztiak 17:30etatik 19:00etara izango dira, Kultura Etxeko Arraño gelan.