Laudio Udalak lehen-sektoreari laguntzen jarraituko du bazkaleku publikoetan abereak kudeatzeko azpiegiturak hobetzen. Arrañoko Goienuri eta Larrea larreak kudeatzeko plana 2022an hasi zen bertan oinarrizko azpiegiturak hobetzeko eta zuzkitzeko.
Orain, eta lehendabiziko lanak osatze aldera, itxiturak eta aziendamahukak instalatu ziren, larrean abereen zamalanak, osasun-kanpainak eta abar erraztuko dituen beste abere mahuka bat jarri da kortarekin.
“Lehen sektorea babesten, indartzen eta bultzatzen jarraituko dugu. Funtsezko sektorea da hau eta lagun izango gaitu etorkizunean”, adierazi du lehen sektoreko zinegotziak Ludi Temiño.
Obrak guztira 38.717,62 eurokoak izan dira (BEZa barne), eta mahuka behi-, zaldi-, ahuntz- eta ardi-aziendari zerbitzua emango dio.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
