Ekainaren 1etik eta uztailaren 14ra arte, laudioarrek udalerriko espaziorik kuttunena argazki bitartez islatzeko aukera izango dute, Udalak antolatutako “Laudioko Bazterrik Ederrena” argazki lehiaketan. Partehartzaileak herrian erroldatuta egon beharko dute, eta adingabekoek 13 urte baino gehiago izan beharko dute eta tutore legalek sinatutako baimena aurkeztu ere.
“Lehiaketa honen bitartez Laudioko espazio eta toki azpimarragarrienak erakustea nahi dugu. Sormenari guztiz irekita gaude eta Laudioko edozein irudi aipagarrik parte hartu ahal izango du”, zehaztu du Ludi Temiño, Laudio Haziko zinegotziak.
Izen ematea ekainaren 1etik uztailaren 14ra arte, biak barne, mantenduko da zabalik; eta egileek gehienez hiru obra aurkeztu ahal izango dituzte. Oraingo honetan, lehiaketa Instagram bidez bideratuko da eta irudiek #MiRinconFavorito #Laudio #MiRinconFavoritoDeLaudio #TopaLaudio eta #LaudiokoUdala hashtagak izan beharko dute. Horrez gain, argazkia zein lekutan hartu den adierazi beharko da eta izenburu bat izan ere.
Oraingo lehenengo edizio honetan, 4 epaile tekniko izango dira; baina herritarrek euren argazki maiteena bozkatzeko aukera izango dute ere. Gauzak horrela, eta bizilagunek argazkiak ikus ditzaten, uztailaren 21etik abuztuaren 14ra bitartean, biak barne, erakusketa bat antolatuko da Udaletxeko Erabilera Anitzeko gelan.
Bozketa herrikoia irailaren 1etik 7ra arte izango da, Udalak horretarako prestatuko duen inprimaki baten bitartez. Irudi irabazlea irailaren 13an publiko egingo da ekitaldi batekin.
Estatu mailako ekimena
Gainera, argazki irabazlea, Estatu mailan egiten den lehiaketan parte hartzera pasako da zuzenean. Estatuko Bazterrik Ederrena ezagutzera emango da irailaren 27tik aurrera.