Ekainaren 14an Areta ekintzaz beteko da Areta Herri Eskolaren 100 urteurrena ospatzeko. Ekimenak goizeko 10:00etan hasi eta gaueko 00:00ak arte luzatuko dira. Eskolatik antolatutako bisita gidatuez gain, azken urte honetan jasotako argazki bilduma ikusi ahal izango da eskolan zehar eta Aretako dokumentalaren batzordeak azaro-otsaila bitarte grabatutako dokumentala ikusteko aukera izango dute, Aretako frontoian, belaunaldi eta perspektiba ezberdinak dituzten bizilagunekin sortu dena.
“Horrelako ekimen batek, herri sarea eta elkarlana eskatzen dute, eta hori ez da inoiz Aretan falta. Ezbeharren eta ospakizunen aurrean adoretzen den komunitatea baita”, dio Ainize Gastakak.
Eguerdi aldera, puzgarriak egongo dira, jada agortuta dagoen herri bazkaria, dantza plaza Untzueta taldearekin eta askoz jarduera gehiago. Dantzatzen jarraitu nahi dutenentzat 21:30etan Gautegun erromeriak joko du beheko frontoian, eta 00:00etan DJ Katiuskak.
“Ekimen hauek orain arte egindako ibilbidearen eta gaur egungo egoeraren isla dira”, amaitu du alkateak.