Bihartik eta abuztuaren 13ra arte laudioarrek udalerriko espaziorik kuttunena aukeratu ahal izango dute “Laudioko bazterrik ederrena” lehiaketan parte hartu dutenen artean. Argazki guztiak Herriko Plazako erabilera anitzeko gelan bilduko dira, asteartetik igandera, 10:00etatik 14:00ak arte. Edozein kasutan, erakusketa herritarren eskura egongo da astearte, ostegun eta ostiral arratsaldeetan ere, 17:30etatik 19:30etara. Lehiaketaren lehen edizio honetan 26 argazki hartuko dute parte.
“Laudioko espazio eta toki azpimarragarrienak orain argazkietan ditugu”, goraipatu du Ludi Temiño, Laudio Haziko zinegotziak.
Bozketa udal webgunearen bidez bideratuko da. Bozka eman ahal izateko, Laudion erroldatuta egon behar da eta 13 urte baino gehiago izan. Irudi irabazlea irailaren 13an publiko egingo da ekitaldi batekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
