Udalak 2026ko Sanroke jaiak prestatzeko prozesu partizipatiboa abiatuko du

Erabiltzailearen aurpegia Laudioko Udala 2025eko irailaren 9a

Aurtengo jaietako une bat, Kantukadan./ Aiaraldea

Prozesua hamabost egunez mantenduko da zabalik, irailaren 15etik 30era arte.

Astelehenetik, hilak 15, eta 30era arte, laudioarrek aurtengo jaiei buruz hausnartzeko aukera izango dute, bai eta 2026. urterako proposamenak egin ere, Udalak abian jarritako prozesu partizipatiboan. Interesdunek, adina edozein dela ere, parte hartu ahal izango dute online bidezko formulario bidez, edo HAZeko sarreran eskuragarri egongo den inprimakia betez. Inprimakiak partaidetza web atarian deskargatu ahal izango dira eta HAZeko eta auzo kontseiluetako
postontzietan utzi.

"Gure jaiak aniztasunez jantzitakoak eta partizipatiboak izatea nahi dugu, horregatik, herriak bere jaiak definitzen parte hartu behar du, bere nortasunaren parte direlako”, adierazi du Sonia Respaldiza Jaietako zinegotziak. Epea agortuta, proposamenak jaso eta jaietako lantaldean landuko dira 2026ko jai egitarauan txertatzeko, betiere bideragarritasun teknikoa eta ekonomikoa betetzen baldin badute. “Guztion artean lortuko dugu pluralak, berdintasunezkoak eta errespetuzkoak diren jaiak eraikitzea”, amaitu du zinegotziak.

Jaietako lantaldea

Jaietako lantaldea irekia da. Gauzak horrela, lehen bilera urriaren 6an izango da Kultura Etxeko Arraño gelan, 18:30etan. Hurrengo hitzorduak aurrerago zehaztuko dira. 

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide