Laudioarrek Herriko Plazan bertan egin eta berritu ahalko dituzte NANak zein pasaporteak hil honetan

Erabiltzailearen aurpegia Laudioko Udala 2025eko urriaren 8a

Poliziaren Zuzendaritza Nagusiaren Dokumentazio Dibisioak unitate mugikor bat ipiniko du Laudion urriaren 15ean, 22an eta 29an.

Poliziaren Zuzendaritza Nagusiaren Dokumentazio Dibisioak unitate mugikor bat ekarriko du Herriko Plazara urriaren 15ean, 22an nahiz 29an, herritarrek nortasun-agiriak (NANa zein pasaportea) egin edo berritzeko aukera izan dezaten.

Jendaurreko ordutegia 9:15etik 13:15era izango da, etenik gabea. Interesa dutenek hitzordua eskatu beharko dute aldez aurretik, Laudioko Udaltzaingoaren bulegoetan. Bestalde, kontuan hartzekoa da eskudirutan baino ezingo direla ordaindu agiri-jaulkitzeak: 12 euro dira NANaren kasuan, eta 30 euro pasaporterako. Bi agiriok berritu nahi izanez gero, hitzordu bana eskatu beharko da, hau da; izapide bakoitzeko bat.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide