Datorren urriaren 25ean, elikadura subiranotasuna, nekazaritzako elikagaien sistema eta ekoizpen jasangarria edukiko ditu Laudiok berbagai, Bachué Elkarteak; “Gure elikadura baserritarren esku egon dadila eta ez multinazionalen menpe” izenpean antolatutako jardunaldiarekin. 12:00etatik 15:00etara, askotariko ekintzak egongo dira Aldai plazan, Jurgi Ibarretxe musikari laudioarraren emanaldi batekin hasita. Horren ostean, EHNE sindikatuko Unai Arangurenek atzerriko zein EAEko elikagai sistemak aztertzeko berbaldia emango du.
Horrez gain, nekazaritza-sektoreak Araban duen egoeraren nondik norakoak jorratzen ibiliko da Bionekazaritza erakundea goiz osoan, Bide Bidean elkarteko Amara Solis hizlariak txokolatearen alde garratzari buruzko hausnarketa eskainiko digu, eta Bachué Elkarteak bananen ekoizpen- eta merkaturatze-sistemak aztertuko ditu beren-beregi ekarritako dokumentalaren bidez.
Jardunaldiari amaiera emateko, jorratu diren gaiei lotutako produktuak dastatzeko tailerra dago prestatua: banana heldu frijituak edo txokolate-tabletak. Parte hartunahi dutenek izena eman beharko dute colectivobachue@yahoo.es helbide elektronikora idatzita. Kontuan hartu behar da urriaren 21a izango dela izena emateko azken eguna.