Haziaraba jaialdia Laudiora itzuliko da datorren azaroan

Erabiltzailearen aurpegia Laudioko Udala 2025eko urriaren 30a

Aurtengo edizioan, familientzako hiru ekintza eskainiko dira.

Laudioko haur txikiek eta euren familiek hainbat ekintza izango dute datorren azaroan Haziaraba jaialdiaren kariaz. Aurten, hiru ekintza ekarriko dizkigute Laudiora: azaroaren 8an, “Pixkanaka, pixkanaka" filma proiektatuko da, eta, biharamunean, azaroak 9, “Ehuna” ikuskizuna eskainiko da, zentzumen-esperientzien bitartez txikienek oihalen, testuren eta mugimenduaren mundua azter dezaten. 

Azkenik, azaroaren 16an, ahozko narrazioen emankizunak eskainiko dira, denak euskaraz, Arabazan proiektuarekin elkarlanean: lehenengo saioa Kasinoan izango da, eta hurrengo biak Lezeaga Aretoan. Ekintza guztiak euskaraz izango dira, arratsaldeko 18:00etatik 19:00ak arte.

Arabako Foru Aldundiak eta Vital Fundazioak bultzatzen dute Haziaraba jaialdia Arabako 9 herritan (Araia, Amurrio, Aramaio, Alegria-Dulantzi, Iruña Oka, Bastida, Laudio, Legutio eta Oion), kulturarekiko konpromiso gisa.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide