Gaur goizeko osoko bilkura berezian, Laudioko gobernu taldeak aurrera atera ditu 2026ko ordenantza fiskalak korporazioaren gehiengoaren aldezpenarekin. “Hainbat bileraren ondoren, akordioak lortu ditugu, eta, horri esker, proposamenak urtarrilaren 1etik aurrera indarrean egon ahalko dira”, azpimarratu du Iñigo Martinezek, Ogasuneko zinegotziak.
Gauzak horrela, eta zerbitzu publiko onenak eskaintze aldera, datorren urtean OHZri, ibilgailuen zergari, EIOZari eta plusbalioei dagozkien zerga-tasak KPIaren (kontsumoko prezioen indizearen) arabera eguneratuko dira, hau da, % 2 inguru igota. Gainerako tasa eta prezio publikoek izoztuta jarraituko dute, zabor-tasa barne.
Bestalde, eta iazko ildo beretik jarraituz, datorren urtean 42.000 eurorainoko diru-sarrerak dituztenentzako hobarien taulak beren horretan geratuko dira, barne hartuta alokairu publikoko programen dauden etxebizitza hutsak (Alokabide), nahiz trantsizio ekosoziala eta, bereziki, energetikoa bizkortzeko helburua dutenak. Era berean, alokairu publikoko ezein programatakoak ez diren etxebizitza hutsek % 50eko errekargua izaten jarraituko dute.
Horrez gain, bi azterlan bideratzeko kompromisoa ere hartu du gobernu taldeak: batetik, tasa eta prezio-publikoen egoera aztertuko da, eta, bestetik, genero-ikuspegia ordenantzetan txertatzeko modua.