Azaroaren 29an, Akelarre musika taldearen historia jaso duen dokumentala proiektatuko da Laudioko Kasinoan. Udalaren babesa duen ikus-entzunezko obra horren bitartez, amaierako puntua ipini dio taldeak agertokiz agertoki emandako 30 urteko etapari oparoari, egindako ibilbide emankorraren hasiera berrikusiz eta unerik adierazgarrienak gogora ekarriz.
Akelarre taldea 70eko hamarkadan sortu zen, eta ingelesezko rock abestien euskarazko bertsioak nahasten zituzten euren abestiekin. Euskal Herriko plaza gehienak alaitu eta 16 disko kaleratu ostean esan zigun agur taldeak, 2005. urtean, edo hala zirudien... Izan ere, dokumentalari esker, pantailara itzuliko zaizkigu Eperra, Akelarre, Torkemada, 1, 2, 3, 4 ispiluen aurrean, Mendian gora eta beste hainbat klasiko.
Dokumentala arratsaldean emango da, 19:00etan eta sarrera librea izango da leku guztiak bete arte.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
