Joan den azaroan Laudioko Kultura Etxeko proiektuaren egungo egoera aurkeztu zen, espazioak etorkizunean izango dituen erabilen lehen pausuak emanez. Gauzak horrela, hil honetan, zehazki 15ean, 22an eta 29an, ekimen parte hartzaileak eta elkarlan giroan garatzeko lagungarriak diren baldintzak identifikatzeko hiru lan saio eskainiko dira. Oraingo honetan, tailerrak Ixiar Garciak, Aiaraldea Ekintzen Faktoriako kultura arduradunak, eskainiko ditu.
Lehenengo saioan, bizilagunek komunikatzeko dituzten ohitura eta moduen inguruan hausnartzeko aukera izango dute. Bigarren saioan, berriz, parte-hartze eta elkarlana errazten duten baldintzak identifikatuko dira eta baita baldintza horiek zaindu edo sortzeko moduak ere; eta, azken saioan, egoera desberdinei erantzuteko lan-dinamikak sortzeko gakoak partekatuko dira.
Saio guztiak Kultura Etxeko sarreran kokatuta dagoen Ideazio gelan, 18:00etan, izango dira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
