Otsailaren 1etik ekainaren 27ra bitartean, herritarrek eta bisitariek Laudioko ondarearen magian murgiltzeko aukera izango dute martxan jarriko diren bisita gidatuekin. Ibilbide bakoitzak 5 euroko kostua izango du 12 urtetik gora, baina estreinaldi egunean laudioarrentzat doako bisita bat eskainiko da, gazteleraz.
Hala ere, bisitan parte hartu nahi dutenek, erreserba online egin beharko dute. Izan ere, bisitetan 25 pertsona parte hartu ahal izango dute, gehienez, eta erreserbak eta ordainketak online egin beharko dira.
Bisitak 12:00etan irtengo dira Topa!Gunetik bertatik (Zumalakarregi, 34), horrenbestez, 10-15 minutu lehenago etortzea eskatzen da, hasieraren puntualtasuna bermatzeko eta ezustekorik ez izateko.
Bisita gidatuak otsailaren 1ean (doakoa), otsailaren 14an, martxoaren 14an, apirilaren 11n, maiatzaren 9an, ekainaren 6an eta ekainaren 27an izango dira. Edozein kontsulta izanez gero, 944034930 telefono zenbakira deitzeko edo topa@laudio.eus helbidera idazteko aukera dago.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
