Ostiral honetan, hilak 6, Imanol Epelde artista Laudion izango da bere azken antzezlana “Zerbait sartu zait begian” aurkezten. Oraingo honetan, Epeldek spoken word-a, musika elektronikoa eta irudiak uztartzen dituen performance garaikidea eskainiko du Kasinoan.
“Laudioarrek aukera izango dute Euskal Herria mailan eskaintzen ari den antzezlana ikusi, entzun, eta sentitzeko. Bizimoduaren abiadura, naturarekiko deskonexioa, zoriontasunaren bilaketa amaigabea, maskulinitatea eta euskara umorez nahasten ditu artistak, publikoa hunkituz eta hausnarrera eramanez”, azaldu du Sonia Respaldiza zinegotziak.
Antzerkia datorren ostiralean izango da 18:30etan Laudioko Kasinoan. Sarrera librea izango da lekuak bete arte. Imanol Epelde artistaren antzerkia Udalbiltzak antolatutako Geuretik Sortuak ekimenaren parte da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
