Laudioko bizilagunen bizitza hobetzen jarraitzeko asmoan, eta izandako auzo batzarretan aurkeztutako proposamen eta iradokizunei erantzun bat emate aldera, Udal Gobernu Taldeak azken hilabete honetan hainbat obra txiki gauzatu ditu herriko gune ezberdinetan.
Horiek horrela, martxoan zehar Landaluze auzoko Kukullu kaleko sarrera berritu da, Aldai plazako hesia beste batez ordeztu da zaratak saihesteko balio duen beste material batekin, eta Latiorro auzoan errepideko 4 seinale birmargotu dira eta beste 3 berri margotu dira ere. Horrez gain, Ermualdeko elizara sartzeko sarbidea hobetu da, eta Herriko Plazan iturri bat jarri da, Azoka Plazaren ondoan.
“Jarduketa horiek auzoen benetako beharretatik datoz; eta Laudioko herritar guztien bizi kalitatea, irisgarritasuna eta segurtasuna hobetzen lagunduko duten esku hartze berriak lantzen jarraituko dugu”, adierazi du Ainize Gastaka alkateak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
