Maiatzaren 17an Laudiok bularreko minbizi metastasikoaren aurkako ibilbide solidarioan murgiltzeko aukera izango du berriro, 11:30etatik aurrera. Ibilbidea Aldai plazan hasiko da eta udalerri osoa zeharkatuko du Ugarte plazara iritsi arte. Izen emateak zabalik daude jada Ugarte tabernan, Ugarteko kioskoan, El Pozo tabernan, Zuentzat dendan, Gorka tabernan eta Kultura Etxean.
Izen-ematearen prezioa 8 eurokoa izango da eta bildutakoa Maite ta bizi elkarteari emango zaio, gaixotasun honen ikerketarako. Inskripzioak maiatzaren 11ra arte mantenduko dira zabalik.
Aurten gainera kamisetaren diseinua Laudio Istitutuko arte ikasleek proposatutako lan bat izango da. Irudiaren erabakia hartzeko, Ugarteko Gazteak elkarteak bozketa irekia abiatu zuen Facebook-en, “like” gehien jasotzen zuen irudia kamisetetan txertatzeko helburuarekin. Datozen egunetan elkarteak diseinu definitiboa publiko egingo du.
Kamisetak jaso ahal izango dira maiatzaren 11tik 15era Udaletxeko sarreran, 12:00etatik 14:00etara eta 17:30tatik 19:30etara.