Apiril honetan Udalak hainbat obra txiki gauzatu ditu herritarren eskakizunak betetze aldera. Gauzak horrela, hil honetan Lezeaga Aretoko margoketa lanak gauzatu dira kanpoaldean, haurreskolan karpa bat instalatu da, udaberrian eta uda hasieran gerizpea edukitzeko helburuarekin, eta errekatik zehar garbiketa lanak egin dira.
Horrez gain, Lamuzako pasealekuan zegoen zuloa konpontzeko lanak hasi dira, eta azken aste hauetan ere hondakin arriskutsuen (pilak, bonbillak, CDak,...) jaso-gune bi berri sortu dira Baias-Landaluze-Zumalakarregi bidegurutzean eta tren geltoki alboan; eta beste bi erabat ordeztu dira Aretan (elizako plazatxoan) eta Lamuza plazan. Udalerrian kokatuta dauden beste guztiak gainbegiratu eta konponduko dira.
“Datozen hilabetetan ere, jarduketak egiten jarraituko dugu udalerriko espazio ezberdinetan, auzoen benetako beharrei erantzuteko”, adierazi du Ainize Gastaka alkateak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
