Urtarrilean bertan Laudioko udalak hainbat udalerri ezberdinekin batera, Arabako Foru Aldundiari papera eta kartoia biltzeko zerbitzua hobetzea eskatu zion.
Horregatik, azken asteetan jasotako argazkiekin batera, Saray Zarate Fernández Landa Ekonomia Garapeneko eta Berrikuntzako foru-diputatuari egoeraren berri eman zaio beste behin, beharrezko neurriak har ditzan.
“Azken hilabeteetan, udal honek bere baliabide propioak erabili behar izan ditu herriko garbiketa bermatzeko, Aldundiak dagokion zerbitzua behar bezala eskaintzen ez duelako. Egoera honek denboran luzatzen ari den gabezia agerian uzten du, eta ondorioz, ezinegona eta haserrea sortzen ari da herritarren artean. Gainera, bizilagunen kexak zuzenean udalera iristen ari dira, nahiz eta zerbitzuaren ardura Aldundiarena izan” adierazi du Ainize Gastaka alkateak.
Bestalde, Laudioko Udalak Arabako Foru Aldundiak ez dituela papera eta kartoia biltzeko zerbitzuaren maiztasunak ez dituela jakinarazi salatu du. Informazio falta horrek zerbitzuaren jarraipena eta kontrol egokia egitea zaildu egiten du.
Horregatik, Laudioko Udalak Arabako Foru Aldundiari eskatzen dio egoera hau lehenbailehen konpon dezala, zerbitzuaren kalitatea bermatzeko eta herritarren ongizatea zaintzeko.