Atzo, Udal Gobernu taldea Aintzane Arrese Hezkuntza delegatuarekin bildu zen Laudio Goikoan (lehen Gregorio Marañon) ikastetxean ematen ari den egoeraren aurren haiek dituzten konponbide posibleak ezagutzeko. Edonola ere, hezkuntza zentroaren etorkizunean emango diren pausoei buruzko xehetasun gutxi eman dira oraingoz, eta hainbat alderdi zehazteke daude oraindik. Delegaritzak esanda, hurrengo pausoa familiekin bildu eta zuzendaritzarekin kronograma bat zehaztea izango da. Hala ere, Udalak argi adierazi nahi du jarrera aktiboa izango duela prozesu honetan.
“Erabaki nagusiak hartzea gure ardura ez bada ere, jarraipen zorrotza egingo dugu, eta beharrezkoak diren neurriak eta eskaerak egiten jarraituko dugu, ikasleen ongizatea, segurtasuna eta inklusioa bermatzeko. Edozein kasutan, eskumen nagusiak Hezkuntza Sailari dagozkio”, adierazi du Nagore Gomara zinegotziak.
Gauzak horrela, udal gobernu taldeak jarraipen irmoa egingo dio egoerari, zuzendaritzarekin, familiekin eta hezkuntza komunitatearekin elkarlanean eta harremanetan.