Berrikuntza gisa, udan animazio-jardueren programazio bat egongo da, hala nola aqua fitness, gymkanak edo ur-jolasak. Jarduerak, oro har, asteazkenetan arratsaldez egingo dira. Era berean, irekiera festa ekintza ezberdinekin ekainaren 16ean izango da.
Tenperatuta altuko egunetan, ordutegia ordubete luzatu egingo da, igerilekuak 21:00ak arte irekita mantenduz. Ordutegi-aldaketak webgunearen, sare sozialen eta instalazioen bidez jakinaraziko dira.
Aurreko denboraldietan bezala, kiroldegiko abonatuek Ellakuriko igerilekuetara doan sartzeko aukera izango dute, zerbitzua urteko abonuan sartuta baitago. Abonurik ez duten pertsonek, berriz, udako denboraldirako paseak eskuratzeko aukera zabalik dute Kiroldegian eta ekainaren 14tik aurrera Ellakuriko igerilekuetan egin beharko dira.
Abonuak eta tarifak:
Abonatuak: doako sarbidea Ellakuriko igerilekuetara (urteko abonuan sartuta).
Bazkide ez direnentzako denboraldi-paseak:
Ekainak 14 – Irailak 13:
▪Bizikidetza unitatea: 41,75 € / 52,20 €
▪18 urtez gorakoak: 31,10 € / 38,90 €
▪6–17 urte: 16,40 € / 20,50 €
Uztailak 13 – Irailak 13:
▪Bizikidetza unitatea: 27,85 € / 34,80 €
▪18 urtez gorakoak: 20,75 € / 25,95 €
▪6–17 urte: 10,95 € / 13,70 €
Abuztuak 10 – Irailak 13:
▪Bizikidetza unitatea: 13,90 € / 17,40 €
▪18 urtez gorakoak: 10,40 € / 13,00 €
6–17 urte: 5,50 € / 6,85 €
5 urtetik beherakoak: doan
Azkenik, aurten Udalak Ellakuriko igerilekuetako taberna eraberritzeko aurreproiektu bat egin duela nabarmendu behar da. Proiektu honek espazioaren eraberritze integrala aurreikusten du; komunen hobekuntza, sukalde bat, terraza zabal eta funtzional baten sorrera eta gerizpe naturala bermatuko duten elementuen txertaketa barne, instalazioen kalitatea eta erabiltzaileen esperientzia hobetzeko helburuarekin.